一個幸福美滿的家庭一旦有其中一方出軌，還可以修補夫妻關係走下去嗎？一位港媽在網上發文分享，與老公結婚多年並育有一名快將成人的兒子，婚姻關係一直幸福美滿而且有正常的性生活，但近日竟發現老公與一名後生女兒發生了兩次性關係，而令港媽最介意的是對方每次都沒有用避孕套，令她十分崩潰：「點解佢可以掂完第個女人，再若無其事掂我....」。
一位約50歲的港媽在網上討論區親子王國以「好難過, 好想同人傾訴」為題發文分享，指自己與老公結婚多年並育有一名快將成人的兒子，自覺家庭婚姻生活一直都很美滿，「一直以為一家人好幸福，有老公愛錫我，仔仔也很孝順」，但最近無意中發現老公與一位年輕美女先後兩次發生性關係，而令她最介意是對方每次都沒有用避孕套，「睇到短信，個女人叫佢下次記得買...」，更覺得老公完全沒有顧她的感受。同時，港媽亦不能理解為何與老公的性生活明明十分正常，對方都要出軌，而且還沒有表露任何異常，「點解佢可以掂完第個女人，再若無其事掂我....」，種種事情令港媽大受打擊。
但是港媽為了守護家庭及兒子，並未下定決心要離婚，還有一絲希望盼老公只是一時的行差踏錯，「我唔會離婚，仍然重很愛他，唔想搞散個家，唔想令個仔有個不完整的家庭影響將來人生。」、「他唔知我已經發現，我也不打算拎出黎和他攤牌。他對我仍然係好好，好顧家，暫時察覺不到他人在心不在。唔知他會不會同個女仔上2,3次床就算數」。此刻港媽心底裡最想知道的，是她老公對小三有沒有動真感情，「始終我係女人，感性動物，現在什麼都不重要了。反而最想知道，佢對那個女人有冇動真感情，還是只係貪新鮮貪美色」。
帖文一出引起熱議，有心水清的網民認出樓主過往亦曾經因為懷疑老公出軌而發文，追索到事主老公一早已經對出軌對象有意思，多番跟對方私下食飯、傳短訊及送iPad作禮物，因此不少網民此為事主老公可能不是逢場作興，是有投入感情，「睇嚟你老公係送禮物得到個女人，而個女人又好享受！咁睇唔止兩次咁簡單！」、「恕我直言，你老公一開始已經暈咗，猛烈追求，仲要後生女，當日要救基本上都已經係無可能，莫講話而家，建議你快快見社工或輔導，找人陪伴，否則很容易抑鬱。」、「唔用套一定包括信任與感情，而你c6明明有頭家咩都括出去，真係可以死心」
此外，有網民建議港媽考慮坦誠說清楚，「感到你傷心，被背叛真的心肺撕裂，去到這時候還可以忍受嗎？如你有勇氣講清楚都是解脱辦法，再這樣下去怕你身心受不了，我也是過來人。」、「你有冇同老公傾呀？一定好心痛, 俾d時間自己冷靜下, 好好保重！」、「明白樓主唔離婚嘅心情～但點解唔選擇同老公坦承，係咪怕結果係，既然俾你知道左，佢可能會更括出去。。。。。我覺得你咁樣自己去鬱住，唔係長遠，佢以為你唔知，就繼續，而你睇住佢咁做阻止唔到，就係無休止嘅惡夢，我覺得咁樣太痛苦la！」、「你唔出聲，睇住佢咁落去，唔怕佢會越踩越深咩？
佢同條女咁玩法，唔會冇感情喎⋯」
但港媽回應，怕貿貿然跟老公攤牌，更加會令對方投向小三的懷抱，「如果現在拎出黎同他攤牌必定會大家都唔開心，分分鐘他會去左個女仔果邊，到時就真係不知點算」。
另外亦有不少人留言指替港媽感到心痛，希望她可以她她愛錫自己，「真係好難受，希望樓主解決到」、「樓主，我記得你之前嘅post，我為你感到心痛，希望你能盡快走出陰霾，好好愛鍚自己」、「何苦將自己擺得咁低？莫非他用套，你就唔難受？」。
