0-6個月今日: 44|主題: 37164

收藏本版

回覆發帖

返回列表

跳至頁

查看: 13767 | 回覆: 9

後悔餵人奶 [複製鏈接]

Chbb1224

別墅

積分: 733

1^#

發表於 24-1-16 12:41 |只看該作者 |倒序瀏覽 |打印

近年大家都鼓勵媽媽餵人奶，由產檢開始姑娘都keep住分享人奶對bb嘅好處，加上大仔當年食奶粉搞到成身濕疹（後來check到係牛奶敏感），所以今次細女出世就決定餵人奶，諗住一定對BB好，點知到而家好後悔。。。

其實今胎上奶都算順利，BB出世後大概三星期左右基本已經可以全人奶，唔使補奶粉，但後來發覺大概滿月左右BB開始唔肯用奶樽食奶（有時屋企人見我瞓咗諗住用奶樽餵少少奶粉俾BB都好難餵），塞親個奶樽入口喊到好似虐待佢咁。。。嗰時BB仲細細隻，唔忍心夾硬逼佢，所以盡量可以都基本係埋身食。

到一個月返健康院嘅時候問姑娘點算，因為我放完產假要返工，姑娘都答唔到應該點做，淨係一直話埋身對BB好，有安全感。。。

到第二個月返健康院我再問姑娘點算，姑娘就話要忍心d俾佢試吓用奶樽，話而家時間都好充裕可以俾BB適應（仲有一個月我先返工）。

去完健康院第二日就比BB試吓用奶樽，我最後凌晨六點埋身餵完佢之後，日間由工人姐姐用奶樽餵佢，但 BB竟然可以堅持10個鐘一滴奶都唔食。於是我再打去母乳熱線問姑娘應該點做，姑娘話可以模仿我返工嘅作息，大概五六點時間就比BB埋身食，日間繼續試用奶樽。

而家又過咗大概10日，我已經好好彩有個好好嘅工人姐姐每餐都又抱又氹又傾偈，試吓慢慢用奶樽餵佢，另外我有試過買其他牌子嘅奶嘴同乳膠奶嘴俾BB試吓，但而家每餐都仍然係喊到拆天，而且最多都係食得一安，全日日間夾埋最多都係食得兩三安。。。更慘嘅係明明原本我已經feel到BB夜晚開始少咗醒唔使食奶，就算要食都食完好快瞓返。而家日間佢食得咁少，又變返夜晚10點、2點、6點準時喊喊要埋身食奶，好似初生咁。。。

而家我好快就要返工啦，真係唔知點算。。。

0 0 0

私人傳訊回覆引用

VanneLaw_FB

洋房

積分: 81

2^#

發表於 24-1-19 02:38 |只看該作者

回覆 Chbb1224 的帖子

咁又唔使後悔，我都係全人奶B，全埋身食，黎緊都要返工啦，我BB初初都唔肯食奶樽㗎，我換過好多牌子，搵一個同BB夾到既牌子先，開始唔使咁快變曬返工模式，可能一日一餐試用奶樽先？始終BB唔可以成日只食咁少奶，慢慢再增加用奶樽餵既次數，我依家都係咁幫BB做適應㗎

私人傳訊回覆引用

Chbb1224

別墅

積分: 733

3^#

發表於 24-1-19 13:13 |只看該作者

VanneLaw_FB 發表於 24-1-19 02:38
回覆 Chbb1224 的帖子

咁又唔使後悔，我都係全人奶B，全埋身食，黎緊都要返工啦，我BB初初都唔肯食奶樽㗎 ...

呢兩日BB有少少進步，全個日間試過食到5安，不過都係個嘴一掂到奶樽就爆喊咗一輪先。。。

你仲有幾耐返工啊？你BB適應成點？

私人傳訊回覆引用

VanneLaw_FB

洋房

積分: 81

4^#

發表於 24-1-19 15:14 |只看該作者

回覆 Chbb1224 的帖子

見到你話BB有進步都替你開心啊，慢慢來，BB會適應到的。我下個月18號就返工啦，依家BB都肯用奶樽飲奶啦，下一步就要俾BB適應下飲奶粉，因為我試過泵奶，三個鐘泵一次，都係得100ML度，應該唔夠B B食，加上返工有機會會因為壓力而少左奶量，所以都要開始訓練下