婆媳關係

收藏本版
回覆 發帖
返回列表
跳至頁

首頁
1

尾頁
   0
irene050935


民房

積分: 8


1#
發表於 24-1-9 07:26 |顯示全部帖子
回覆 lsh207 的帖子

最近搬咗出黎兩個月左右，我女9個月大，我冇唔俾6299見，自己都冇見6299，我都同老公講得清楚，我同阿女唔見係我最後嘅底線。

事源係阿女未出世，奶奶話幫我坐月同湊b，放完產假可以復工，結果我生完阿女第二日，我奶奶就冇問過我想唔想，就叫左唔知咩親戚黎，搞到我屋企人都冇得黎探我，重點除左我老公一個係關心我，其他人包括6299，一黎到就係抱孫玩孫，跟住出院後我奶奶冇幫我坐月，都冇幫我湊b，一分鐘都冇，由阿女出世到搬走前，6299都冇幫過我湊bb，所有事情自己一腳踢，唔緊要，我女係到喊，6299就嫌佢嘈，影響到佢地生活同訓教，我唯有抱睡左半年，咁其實bb會喊係一件好正常嘅事，6299覺得我湊得唔好，6299一直比說話我聽，仲要直接話我點解要整喊個孫做乜，6299仲要講粗口鬧我，問候我媽媽，含家X，仲話我冇家教個類好難聽嘅說話，行為舉止上，嫌我用水電用得多，突登去扭細個水制呢d，煮飯餸就正係蒸同恰比我。我奶奶當初仲係到同我講：哇您老豆老母送比您嘅金（結婚）咁輕，薄過張紙。
總之所有事情，6299都唔覺得佢地自己係有問題有錯，佢地覺得自己咁多年嘅性格，改變唔到，仲有只係口直心快，冇心，一句冇心，就變左所有事情合理化？說話就理所當然？就變左我錯晒，我因為6299有產後抑鬱，但因為寄人籬下，我一直都冇出過一隻字嘅聲。去到最後奶奶講：您地三個仆X快X啲搬走，老爺叫我老公除名，我地用咗一星期都冇嘅時間，搵屋汁野搬走左。
係我地搬走前，我奶奶趁我地唔係屋企，開我地櫃桶，偷走返佢當初送比我地結婚嘅金，仲要話返我轉頭係我自己唔知放係邊，叫我自己搵真d。
我陪我老公去除名嘅時候，發現原來一直交原租，但老爺一直呃我地話交雙倍租。
我心諗人在做，天在看，有d野真係會有報應，我難聽d都想係到表達下：您地攬住成百萬又如何？您地個女搬走左咁多年，同您地住得咁近，有冇探過您地？依加您仔都搬走埋，孫又冇得見，何必當初呢，長輩又如何，尊重係雙向，我啞忍，吞聲忍氣，唔代表您地啱！我地就算唔係好有錢，生活平凡，起碼我地依加一家三口開心幸福快樂。
慶幸自己捱過去了，回想當初個半年，自己有產後抑鬱，泵奶，洗奶樽，洗衫，湊b，全部自己一個踢，同時承受住言語暴力，唔友善對待，多謝阿女令我撐過來。
我女依加9個月大，健康平安，好鐘意笑，識得同人say hi同give me 5，仲已經識得扶住企，發展都好好，我仲堅持緊全母乳中。
私人傳訊回覆 引用


首頁
1

尾頁

跳至頁
返回列表
回覆
發帖
高級模式 | 發表帖子
B Color Image Link Quote Code Smilies
你需要登錄後才可以回帖 登入 | 註冊

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見