所以我好感激我老公體諒我,試問有邊個男人可以接受老婆對自己阿媽透明,連個孫都唔帶去畀阿媽睇下。又或者咁講,我老公可能都知道佢阿媽 short short 地,大家唔見面對雙方都係好。
早幾日,我奶奶過咗身,我老公未有表態叫我去送別,但我覺得我有責任去,而且我小朋友係佢唯一一個內孫,唔去送殯又好似好過份。
但我怕去到佢d親戚朋友會畀說話我聽,甚至鬧我,人在時唔去探,走咗先出現咁咁咁。。。。 萬一到時群情洶湧,我老公都未必保得到我,大家覺得我應唔應該出席呢?我去,絶對係俾面我老公,費事俾人講連奶奶最後一程你都唔露面,我怕我老公受委屈呀!