www.baby-kingdom.com/forum.php?mod=viewthread&tid=18241068&extra=page%3D1
原來一件事發生咗, 你點樣努力都唔可以完全忘記. 之前C6做過令我唔開心嘅事,經過呢度好多JM又鬧又勸, 加上早前C6話頂唔住我嘅面口而大發雷霆, 我當下”叮”咗一下. 之後決心俾大家一個機會, 我好努力去過正常生活, 表面上平靜, 開心,亦唔再提嗰件事. 如是者沉寂咗一段時間, 我都以為傷口已經痊癒.
昨日收到C6一句whatsapp………..
“取消. 你自己去唔去”,
………佢跟住即刻補一句……..
“send錯, 講明天嘅飯局”.
佢向來都同我講佢同一班朋友有定期飯局 (我未去過亦唔知係D咩人, 有幾多人,C6係絕對唔會帶我去). 今次係佢本來約咗, 臨時要開工所以要取消.
我即時成個震晒. 直覺話我知佢上面嗰句係同一個人單對單講,唔係group chat. 呢個人係時時同佢一齊出席一個飯局, 我有無估錯???
昨日, C6咳到死死下, 去睇完醫生食藥. 我知嗰個醫生D藥食咗勁眼瞓, 叫佢唔好去飯局, 因為佢去就一定揸車去. 結果佢都係揸車去咗. 老實講如果係普通朋友嘅飯局講聲話病咗, 你話去人地都未必想見到你啦! 所以話佢要見嘅人一係好重要, 一係應承咗人點樣都好, 一個禮拜都會見佢一次同佢食一餐飯.
食完呢餐飯之後我叫佢第二日去剪髮, 佢話咳住點去, 飛髮舖有冷氣架! 我話你去食飯嘅地方無冷氣嘅咩? 你去食粥咩? 出面D嘢咁肥膩你都要去食!!!! 佢即係無得答我.
發表於 
我有即時問C6
, C6話佢係攪手, 同其中一個friend D (無講男定女), 所以問下佢自己一個去唔去, 如果佢去, C6就唔去群組度取消個飯局.
)
返回列表
