吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 野蠻奶奶

婆媳關係今日: 0|主題: 27701

收藏本版

發帖

返回列表

跳至頁

查看: 6545 | 回覆: 26

野蠻奶奶 [複製鏈接]

tweetybird

男爵府

積分: 5929

1^#

發表於 08-1-2 12:58 |只看該作者 |倒序瀏覽 |打印

我姑仔係外國回來3個星期，我奶奶約左我係剛過了的星期日說去拜下他們的祖先，因為很難得幾兄妹係香港見面和一齊拜。那就約定星期日，我就全日都無約人預備一齊去。到了星期六我一早帶了個女出了學jazz，在途中我奶奶打俾我問我今日有無約人，我說約了人，她說她今日要去拜祖先，說什麼星期日她的細佬約左她和個女一家去disneyland玩一日，故要我改早一日去拜。我說我已經左街，無人係屋企等她，她就算她要晚些少一齊去拜，我無出聲，她就大大聲講：你聽唔聽得明我講野，知唔知道。我那時火都來，我說：我聽得明你講野要知道你想點。跟住她就收了線..

想想下，我都唔想個老公難做，於是打俾老公叫他同他亞媽講3:30後先去拜可唔可以。點知她一開口就媽我老公，說：3:30唔得，只可以2:00，個妹咁難得返來香港，你就要就下她，約左人咪推左它law，又幾大不了，你一點都唔關心下個妹，我唔同你講，講到我鬼死咁勞氣。跟著就cut左我老公電話。

我聽完之後就真係嬲到不得了。

一)我奶奶同她個女係外國住的，講緊的係同一個country，唔同city罷了，她們要見面簡直方便過我奶奶每次要坐十幾粒鐘回來見我們。嚴格上來說，她唔係成日見我們，講真係要就都要她們就下我們啦。

二)我奶奶每次係個女面前都要擺奶奶款的。係要點我做東做西她先安樂的。她同我叔仔講，說我們點樣唔好，又話唔就人，唔關心她，說她上次有高血壓，我老公只係叫她唔好食咁多好野..要小心，她就話我老公唔關心她，她好hurt。頂..要講的話，我老公夠唔舒服啦，我奶奶又點呀？問候一聲都無啦，要講我們都很hurt啦。

三)我直覺同我講，我奶奶係偏心個細仔和個女，她永遠唔會用同我們講野的言氣同他們兩個講野，要媽要點都係對我們。好野無我們份，要做亞四就一定有我份。好似有一次出去食飯，個叔仔坐得近門口一點﹐我叫他去問一問個部長點解仲有野末上，我奶奶即刻講：唔好，你好，點解要他去？:tongue: 最後咪又係我自己要行出去問人。

坦白說，我自己都係媽媽，鍚自己的女係理所當然的事，她對自己的女好，係完全理解的，但她唔可以要我好似她對自己的女一樣對我姑仔law。她係她whole world，但我有自己的生活。我唔介意大家去就一就，但要compromise，唔係enforcement。

故家下我同她無野講，大家當時運高睇唔到大家就算。直到今日呢刻，大家都無講野，當唔識就算。不過過幾日要一齊去旅行..又係勞氣野，食完飯回頭再講。

待續

0 0 0

私人傳訊

tweetybird

男爵府

積分: 5929

2^#

發表於 08-1-2 14:17 |只看該作者

原文章由 tweetybird 於 08-1-2 12:58 發表
我姑仔係外國回來3個星期，我奶奶約左我係剛過了的星期日說去拜下他們的祖先，因為很難得幾兄妹係香港見面和一齊拜。那就約定星期日，我就全日都無約人預備一齊去。到了星期六我一早帶了個女出了學jazz，在途中我奶奶打俾我 ...

當初她話去旅行，我們說唔去了，因為一來去過，二來近年尾有很多的費用要支付，故唔會去的了。她講了幾次，我都說唔去了。她後來說又話自己年紀大，又話今次趁她的仔女都係度，想一家人去一次旅行，否則驚自己無機會同仔女去，又說今次去旅行她會全部人資助一半，另外一半就自己俾。我62後來又說去吧，我一向待我都不錯的，那就心軟地說好吧。誰不知這頭訂完機票，轉個頭說自己要擺壽酒，要我們俾負責當日酒席的一半使費(那一半由三兄妹平分)...唉。

我99經常有意無意話俾我知，她日後的家產會分多些俾聽話的仔女，唔聽話唔孝順的就唔好唸了。唔知係唔係我多心，那即係要我任何事都要講：yes madam。坦白說，我平時遷就她係因為她一年先返來一次，另外她亦係老人家，我自己覺得要就都係就一段短時間咪當係敬老law，她咁樣講，我就同我老公講，她喜歡點樣分就點樣分，唔好因為錢的問題而可以另到我會改變做人的原則。

家下我住緊的樓係我99的物業，她成日開口埋口都講她點好因為各俾了一層樓我老公和我叔仔住，每一次都會提一次但只係同我一個人講，亦會周圍同人講俾左層樓我住。我那時同我叔仔講，層樓她係俾個仔和粒孫住，唔係俾我自己住，如果只係得我一個人，你估她會唔會咁好俾一層樓我住先？

總之我99的野講十日十夜都唔完...唉

私人傳訊

hinhinmummy

侯爵府

積分: 21395

3^#

發表於 08-1-2 16:10 |只看該作者

個個99都係甘架啦, 無謂勞氣

我果個還衰啦, 做節, 問佢去吾去食飯, 又話吾得閒, 母親節, 見佢其他仔女無反應, 果日同佢講話去佢樹陪佢食dinner, 居然同我講佢d 送吾岩我們食

今年還賤(真係用賤黎形容), 問佢話吾做冬啦, 果日工人放假, 我們出街食, 點知...............佢個二仔返黎同佢食, 還要煲老火湯(平時我們去食就can 湯), 還要有大蝦look, 做冬, d 蝦幾$斤?

嬲到我老公話要換鎖, 以後吾會再比key 佢keep

私人傳訊

kary512

別墅

積分: 739

4^#

發表於 08-1-2 19:25 |只看該作者

有o的人就係咁不知所謂架喇~好似我99咁丫~佢都係咁偏心~不過都係睇錢份上~好似佢燉任何野都好~我老公永遠都係睇到就有份~睇唔到就無份既~其他就更加唔使講~只係俾佢第三個仔~我大姑9同佢住o係隔離~見到都係無得飲既~雖然唔知係咪因為我o係我老公面前話俾佢知~佢阿媽係幾咁唔錫佢~所以o係有一次我老公同佢阿媽炒大鑊既時侯~當然啦~唔係因為我~為左我個女~因為我99係極度唔錫我個女~仲要成日都鬧佢~整到我老公忍唔住鬧佢..話佢唔錫自己都算~但係點解仲要成日都鬧佢個女~跟住之後我99都係無乜改變~跟住眼見我老公開始唔理佢啦~之後先變好~不過當然係表面野喇~!!不過都講真果句~我一o的都唔覺得我老公係孝順架喎~不過我99有7個仔女~真係錫佢既可能真係無~!但係我就覺得我大姑9其實都係錫佢算係咁多個~但係佢就好奇怪~佢買左保險~就只係寫四個仔女既名~其他既就話唔會再寫!當然啦~我老公就係寫左既其中一名~!!所以有時ｏ的人就係咁奇怪!!

[ 本文章最後由 kary512 於 08-1-2 19:27 編輯 ]

私人傳訊

onon1022

子爵府

積分: 12543

好媽媽勳章

5^#

發表於 08-1-2 21:07 |只看該作者

其實算啦...人人性格都唔同...你又唔係同佢成日見...咪忍耐下...最重要你老公明白你...

[url=http://lilypie.com][img]

私人傳訊

晞玥

珍珠宮

積分: 34110

hashtag影視迷勳章好媽媽勳章畀面勳章 BK Milk勳章

6^#

發表於 08-1-2 22:41 |只看該作者

原文章由 hinhinmummy 於 08-1-2 04:10 PM 發表
個個99都係甘架啦, 無謂勞氣

我果個還衰啦, 做節, 問佢去吾去食飯, 又話吾得閒, 母親節, 見佢其他仔女無反應, 果日同佢講話去佢樹陪佢食dinner, 居然同我講佢d 送吾岩我們食

今年還賤(真係 ...

你奶奶咁鬼偏心架!
話晒兩個都係仔丫,對個二仔同對個大仔差天共地!

私人傳訊

Vca

男爵府

積分: 5681

7^#

發表於 08-1-3 04:01 |只看該作者

原文章由晞玥於 2/1/2008 10:41 PM 發表

你奶奶咁鬼偏心架!
話晒兩個都係仔丫,對個二仔同對個大仔差天共地!

有好多為人父母係咁果喎~
佢地點對待自己仔女，同自己既仔女孝唔孝順、識唔識唸...等等完全無關既...?-( 唯有到自己做人父母時盡量唔好重蹈覆切啦!

私人傳訊

tweetybird

男爵府

積分: 5929

8^#

發表於 08-1-3 09:10 |只看該作者

原文章由 hinhinmummy 於 08-1-2 16:10 發表
個個99都係甘架啦, 無謂勞氣

我果個還衰啦, 做節, 問佢去吾去食飯, 又話吾得閒, 母親節, 見佢其他仔女無反應, 果日同佢講話去佢樹陪佢食dinner, 居然同我講佢d 送吾岩我們食

今年還賤(真係 ...

我都知唔好勞氣，很傷身的，但個問題係她個女一係身邊就變晒另外一個人似的，我覺得變不是問題，但唔可以迫我都要變到好似她咁款先得架..

講起食飯，有時我覺得做人父母，仔女都大個了，係唔係應該由番仔女來服侍下她呢，夾野食呢些野咪由得細既去做，咁大個人唔通唔曉自己夾咩。她就係見我夾緊碟菜，驚死我食晒(因為真係無多少剩)，她就那那臨拿起碟菜掃落去她個女隻碗度。有親野食來都係立即夾俾個女食和她個外孫食。見到我個女好似透明似的，問都無問過，當唔識似的。我只係覺得她咁樣做很可憐，因為她做緊榜樣俾細的睇，等細的知道日後應該點樣對老人家。

我已經唸清楚的了，如果她再出聲講日後點樣分家，又或者層樓的野，我會出聲同她講：你唔係分俾我，係你自己個仔，如果你認為我們係咁唔孝順令你唔開心，那你就唔好分俾我們，我唔想成日咁樣做人。對人好係出自內心，唔係有條件的，如果我對你好是有條件的，那你自己亦應該擔心日後分了家係我還會唔會睇你。至於層樓，如果你認為我真係住了你層樓你唔高興的，我可以隨時搬走，我父母亦很歡迎我成家返去住的，我住開間房仍然係度，無問題的。

她真係令人氣頂。我明天會一齊同她去泰國四日，我當時運高睇她唔到，她多多說話或又借題發揮，我會各行各路算吧。祝我好運。

私人傳訊

Elefant老婆

珍珠宮

積分: 37310

好媽媽勳章醒目開學勳章畀面勳章

9^#

發表於 08-1-3 12:46 |只看該作者

其實樓主都好忍得架啦。
俾我一定出咗聲好耐。

私人傳訊

晞玥

珍珠宮

積分: 34110

hashtag影視迷勳章好媽媽勳章畀面勳章 BK Milk勳章

10^#

發表於 08-1-3 13:05 |只看該作者

原文章由 Vca 於 08-1-3 04:01 AM 發表

有好多為人父母係咁果喎~
佢地點對待自己仔女，同自己既仔女孝唔孝順、識唔識唸...等等完全無關既...?-( 唯有到自己做人父母時盡量唔好重蹈覆切啦! ...

即係好似我老公咁
四兄弟妹(老公最大)我奶奶淨係錫最細個姑仔
我老公為屋企貢獻最大最多,但係99一d都唔錫佢,仲鬧得最多
1)老爺以前爛賭爭大耳窿同銀行幾十萬
所有既錢都係我老公一個人去還,其餘d細佬妹幫都冇幫過

2)還晒d錢佢仲另外拎左5萬hkd出黎買部的士俾62揸,因為佢呢個年紀出去做野冇人會請

3)我老公買樓&結婚,6299一個仙都冇拎過出黎俾個仔,仲乜都冇送過俾佢

4)我老公一家黎左台灣之後,佢讀書既學費都係佢自己出去做野搵錢交,6299冇理過佢
相反,我叔仔同兩個姑仔既學費都係99俾,唔駛佢地出黎打工搵錢交學費

一諗起我老公呢d野我就覺得佢好可憐,前世唔知做錯d咩今世投胎做佢地個仔,好似欠左佢地咁!唉~~~~~

[ 本文章最後由晞玥於 08-1-3 13:06 編輯 ]

私人傳訊

wxxyxn

大宅

積分: 2339

11^#

發表於 08-1-3 13:24 |只看該作者

妳可以同佢講 :"妳一蚊都唔使分比我地，妳個仔會養我架啦，哈哈。"

同埋下次食飯可以同個女去食飽左先去坐，叫汽水飲，飲完就走

goodluck!

原文章由 tweetybird 於 08-1-3 09:10 發表

我都知唔好勞氣，很傷身的，但個問題係她個女一係身邊就變晒另外一個人似的，我覺得變不是問題，但唔可以迫我都要變到好似她咁款先得架..

講起食飯，有時我覺得做人父母，仔女都大個了，係唔係應該由番仔女來服侍下她呢，夾野食呢 ...

私人傳訊

hinhinmummy

侯爵府

積分: 21395

12^#

發表於 08-1-3 15:54 |只看該作者

原文章由 kary512 於 08-1-2 19:25 發表
有o的人就係咁不知所謂架喇~好似我99咁丫~佢都係咁偏心~不過都係睇錢份上~好似佢燉任何野都好~我老公永遠都係睇到就有份~睇唔到就無份既~其他就更加唔使講~只係俾佢第三個仔~我大姑9同佢住o係隔離~見到都係無得飲既~ ...

我未住佢隔離law, 湯都無得飲...............雖然我吾恨, 但吾好做到出晒面先得架

我老公係最細, 細仔黎架

還有呀, 以前佢工個工人惡, 一定要放假, sunday無人看佢阿媽, 就點左我老公去看佢阿媽, 總之every sunday佢工人放假, 就要我們吾去街, or去街都吾可以去得遠, 總之下午要返home看佢老母(真係越講越慶), 好啦, 依家呢個工人好人, 成日話婆婆無人看住, 吾放假, 姑9還話, 做乜吾放, 係屋企無野比佢做, 叫佢走, 工人c 都吾肯走, 話要看住婆婆, 還同姑9講, 我自願留係樹, 吾駛你補$ 比我, 姑9都還話, 吾比$ 你, 都要比飯你食

但工人吾理佢, 照留係樹看99, 但, 果隻二佬同姑9就走去飲茶, 1月1號黎架, 工人都要放假要休息架, 吾係人地好恰就恰, 果時就識搵我們看99, 依家佢二佬轉左返95工, 又吾叫佢看99? 我忍左2年(舊工人做左兩年吾做).....................我同老公講明, 今年佢工人到期, 佢地吾肯比長期服務金, 吾續約, 我講左, 換左新工人, 無甘好, 吾肯放假留底, 我點都吾肯再留係屋企吾去街看99架啦, 你要看自己看啦..............or 叫佢二佬看啦, 我都看左兩年................

私人傳訊

hinhinmummy

侯爵府

積分: 21395

13^#

發表於 08-1-3 15:59 |只看該作者

原文章由晞玥於 08-1-3 13:05 發表

即係好似我老公咁
四兄弟妹(老公最大)我奶奶淨係錫最細個姑仔
我老公為屋企貢獻最大最多,但係99一d都唔錫佢,仲鬧得最多
1)老爺以前爛賭爭大耳窿同銀行幾十萬
所有既錢都係我老公一個人去還,其餘d細佬妹幫都冇幫過
...

唉, 同我隻佬差吾多

老公自f.5之後, 自己供自己讀書, 無人理

99 all吾出ng ng, 時all 時便秘, 叫佢去看專科, 姑9吾肯比$(d $ 同晒姑9聯名), 我同隻佬話我們比..............比隻姑9話我們害佢阿媽, 話飲果d 瀉水好幸苦, 佢阿媽會頂吾順

我隻佬係屋企無地位, 講乜都無人信, 但讀書最多就係我隻佬wor.................

私人傳訊

rean_chau

公爵府

積分: 28567

14^#

發表於 08-1-4 16:14 |只看該作者

我老公都係丫咁樣架.
佢自細就無左亞媽,由細到大都係讀寄宿學校,讀完中五就出來做野. 佢老豆後尾係大陸娶左一個女人,同我老公一樣咁年紀話係真心相愛喎. 過年過節就趕返上去做節,丟低我老公一個係香港. 屋企所有開支由我老公搞掂 (屋租,水電煤,日用品), 而佢果份就攞晒返大陸. 到左我地結婚, 唔好話一分錢都無攞過出來, 連買野拜神同佢比兄弟姊妹果份錢都要我地比番返佢丫.真係好心淡架.

後尾佢有病做唔到野,咪攞綜援羅,又話唔夠駛,成日問我老公攞錢,無錢又話要搬屋.都計啦,比左成萬錢佢. 到左呢兩年,佢老婆同細仔落左來,個女人出去揾野做,但唔會拎錢返屋企既,食同住就食硬62,搞到佢成日都無錢,有時都會同我地講:養到D仔女咁大,佢地都唔會養番佢老人家. 我同老公講:你有本事揾到錢,你比幾多都無問題,唔好搞我份家用就得勒. 養佢唔係問題, 現在係要養佢全家丫.

後尾佢無辦法要賣左大陸層樓,手頭鬆D啦, 但到左過年,都係會問你攞錢.平時成日話D仔女唔返去睇佢,但到左我地話番去時,又話要出街食飯,去邊度食咩都係要佢個細仔話事,但埋單就我地埋.所以我老公現在一聽到佢老豆話出來,佢都驚.

有一次,我地因為買樓落訂, 爭少少錢(都係一萬蚊到),問佢借住先,佢同我講到明:D錢係借比你, 你地要還架,我D錢係留番比細佬架!! 我明白,細佬仲細,以後讀書要用錢.但係大家都係仔,大仔有事,你唔通唔幫咩.又唔係攞晒你成副身家.我自己爸媽知道都攞左D錢比我地啦. 所以我都幾心淡.

到左我大肚連煲煲薑醋都唔肯幫我地煲丫,無非係怕我地唔比番錢佢.唉,我做得來就唔駛你幫啦,我叫得你幫我,我梗係會比番錢你架啦.一家人點解要咁樣計住呢. 有時我都會問自己,係咪我自己計較呢.

私人傳訊

paklok

侯爵府

積分: 21203

好媽媽勳章醒目開學勳章畀面勳章環保接龍勳章

15^#

發表於 08-1-4 16:57 |只看該作者

好啦... 又到我數啦! 我果件都係極品!!! 我依家同佢一齊住, 生完已經迫到我產後抑"屈"咁滯, 到依家就算我要返工都就嚟迫到我崩潰啦!!!

罪狀1
我未生前個八婆負責湊老公個侄仔, 侄仔啱啱識行, 已經日日帶佢落街, 仲成日放佢自己喺商場, 自己搭車去第二度, 我知道後話佢, 佢堅持話唔怕,結果有次唔見左, 搵唔到局住搵我同老公, 當時仲要死撐話無事無事, 好彩最後喺酒樓裡面搵得番!

罪狀二
經常同侄仔玩刀刀叉叉,係真果D,但佢永世都話唔怕!

罪狀三
侄仔發脾氣唔肯返屋企,佢將侄仔放上商場內圓筒形高身垃圾桶, 侄仔大喊,佢唔理俾保安干涉叫人唔好理佢,搞到警察黎,我無見睇激氣得滯喊住返屋企!

罪狀三
教侄仔如果野食掉左落地要執番黎食, 結果侄仔就算食雞翼得番骨頭, 掉左落地照執番黎食, 未夠兩歲就要"蹈"蟲!

罪狀三
經常喺侄仔訓覺時, 煲住野自己落街!

罪狀四
教侄仔喺十七樓開window嗌落街!

罪狀五
個八婆以前個清潔, 識晒商場D清潔姨姨, 竟然帶埋侄仔去推垃圾車!

罪狀六
侄仔出街自己識行,但叫佢唔使著鞋, 衰D講句成個野仔咁!

罪狀七
到我今年四月生左女, 八婆即刻趕侄仔返歸準備湊我個女, 因為我老公係佢最錫的細仔, 我個女訓箱仔第八日返歸, 我捱足一個月自已湊, 死都唔肯放手佢湊, 直至一個月後真係好辛苦, 放手俾佢湊一陣即出事, 佢幫阿女换屎片時, 用濕紙巾清潔pat pat, 咁啱我個女嘔奶, 個八婆用將抹過屎既濕紙巾抹我個女既嘴! 我老公即刻搶番個女返黎, 我無出過聲, 佢發爛渣話我個女巴閉, 嘭門入房! 之後返佢大女屋企, 話我地屈佢, 話根本無抹過屎!!

罪狀八
唔俾我個女換片, 工人話阿女條片濕要換, 佢就話唔使成日換, 就算隔左六個鐘都唔俾換, 我睬佢都有味!

罪狀九
成日鬧我俾D貴奶粉阿女食, 成百幾蚊罐, 我個女只係食普通的安嬰兒A+1, 一D都唔過份, 佢話以前佢湊侄仔, 幾廿蚊罐奶粉!

罪狀十
日日都話要帶我個女落街, 我永遠都唔俾, 帶左落街之後就無得返轉頭架啦, 依家天氣咁凍都係咁, 我唔俾就不停同我個女講,話BB你好慘呀, 你阿媽唔俾你落街呀, 你永遠都唔出得街架啦, 我就博佢話"我剩係唔俾你帶落街"!!

罪狀十一
我阿媽知佢D仆街野,專登過黎睇BB兼煲粥仔佢食, 果陣阿女七個月, 我阿媽煲粥, 個八婆話七個月BB唔使食粥,又話食爛飯都得, 我阿媽一担心機煲粥, 佢問都唔問無啦啦熄火溝D水落去,激死我阿媽呀!

罪狀十二
有次個八婆返到屋企,見阿女訓緊覺,鬧工人:「BB訓覺你就去沖涼啦」工人話無人喺屋企,阿女訓緊覺唔敢沖驚佢醒, 個八婆話:「你連自己都顧唔掂, 點湊BB呀!」嬲到爆!

罪狀十三
明明有餸喺屋企都唔俾工人食, 抄兩條葱當一餐!

罪狀十四
有次叫工人去沖涼, 我個女訓緊覺, 佢話佢睇住, 點知工人沖完涼, BB醒左差D跌落床佢仲坐喺度睇電視!

罪狀十五
我個女訓午睡, 佢竟然監生整醒佢,話唔好俾佢訓咁多, 費時夜晚夜訓!

罪狀十六
我個女得七個月, 冬天放佢落佢扶住個茶几, 話佢識企, 仲要放手,我個女一甩手成個向後跌落地, 好彩無事咋!!!

罪狀十七
成日想整走我個工人, 候我唔喺屋企, 同工人講話平時我大伯返屋企要服侍佢, 我大伯日日無兩三點都唔返, 唔通唔訓咩!

罪狀十八
我個女滿月無耐, 屋企裝修, 我搬去媽咪度住半年, 當時有男家親戚話想探我地, 個八婆同人講話我唔想佢地去我屋企, 搞到人地嬲左我!

罪狀十九
我大肚時要去飲我老闆餐喜酒, 佢唔俾話相沖, 我無去, 點知過左幾個月, 佢有個遠房親戚過身, 係遠到講完我老公都唔知邊個果D, 佢D仔女叫佢唔好去話唔好, 佢話唔怕就去左, 勁仆街!

罪狀二十
我大肚佢見我媽專登煲湯我飲, 個八婆唔抵得又煲, 拎埋D陳年舊料, 煲湯成個面都係一隻隻蟲仔, 佢話唔怕叫我照飲, 我大伯即刻剷爆佢先肯倒!

仲有數唔盡既野... 我真係就黎谷爆啦! 可惜無錢搬...唯有忍忍忍!!!!!!!!!!!!!! 繼續對抗, 日日開火!!!

但求順利

私人傳訊

gegegeg

洋房

積分: 41

16^#

發表於 08-1-4 20:46 |只看該作者

始終唔係自己亞媽係咁啦，我個個咪仲衰，我有咗先結婚嘅，我老公亞媽想當初知道，我老公問佢意見嗰陣，佢同我老公講叫我落咗個bb佢，一句話我哋仲細，話我連自己都顧唔點學咩人生因為我哋嗰陣得23歲，最後我都無理佢，因為始終係一個小生命我唔捨得，知後我老公問佢亞媽亞爸借住錢諗住擺幾圍應酬吓Ｄ親戚，但佢哋一句話無錢就算，(但佢哋賭錢賭幾萬就有)你話心照唔心照，最後只係排期註冊就算，咁都未算連證婚人都唔嚟，佢亞爸要開工冇話可說，佢亞媽竟然話打完牌好攰唔嚟，你話簡直無視我，到我生嗰陣，兩手空空嚟探我，粥水都無得我食，完全無做過做奶奶嘅責任，好彩我有自己亞媽照顧我，所以佢做初一我做十五，三年嚟我都未叫過佢一聲奶奶，因為佢無資格，我亦無刻意教嗰仔叫佢，個仔叫咪叫，唔叫咪唔叫，我老公個老豆都一樣，我一樣當佢透明，總之啱聽咪傾，唔啱聽就黑面比佢睇，佢有問我老公點解我咁，我老公一五一十話比佢哋聽我嬲佢哋當初咁，所以佢哋都知衰唔敢惹我，仲對我好好想我原諒佢，但我覺得未得始終有條刺係心到，佢哋話我小氣，但你又諗吓如果個個係你自己個女比人咁對會有幾心痛，(不過佢無女佢唔會知因佢只得我老公一個仔)所以話而家Ｄ奶奶啱就聽唔啱亦唔洗理佢

私人傳訊

蜜棗

子爵府

積分: 11426

睛靈勳章畀面勳章 BK Milk勳章

17^#

發表於 08-1-5 02:41 |只看該作者

我99都係一個煩人.不過自結完婚之後好d.一來我心情好返好多.二來就係結婚當日我發大顛.我諗咁様6299都免得過唔再惹我啩...
不過我喺佢屋企住,都一定會幚手做嘢.因為我認為我有責任(當唔係幚6299,幚自己老公咯)咁佢哋都冇比咩難聽說話我聽,我諗又驚我失控啩.但我懷疑唔知係咪因為我有咗??佢哋先寧舍好.我99每日都問我bb d嘢.搞我都唔多想答..講真我硬是凝住生完之後佢哋就會現形.例如罵我,又虾我.(到時生完bb,我元氣大傷,驚郁吓就忟同佢開火.)

爆愛車縫作

私人傳訊

gegegeg

洋房

積分: 41

18^#

發表於 08-1-5 16:52 |只看該作者

回覆 #17 蜜棗的文章

唔洗理佢哋,佢無道理咪即刻比面色佢睇Ｄ老人家最現實幾憎你都好始終會抵唔住頸錫粒孫,咪用粒孫置佢囉唔比佢掂添牙,眼看手勿動一話要抱借頭借路抱走,我初初都係咁不過我唔洗同佢住無咁眼冤,佢太知我所以佢就算幾想同我哋住佢都唔敢講,總之對99嘅嘢佢對我好時,我可以對佢好一百倍,但佢對我衰時我一萬倍對番佢,等佢驚吓

私人傳訊