carmenyip 寫道:
唔知大家有無去過珀麗灣呢?因為住元朗,我以前成日帶仔仔喺荃灣西西鐵站搭船去珀麗灣玩。等船前,喺岸邊睇下船,坐船都係大約5分鐘。呢個島係新鴻基包起晒嘅島,佢係一個無煙城,無車可以入去架!去呢度一定要搭船。隻船有冷氣又乾淨,小朋友好鍾意搭。一落船可以好放心俾小朋友跑來跑去,因為乾淨,又無馬路無車。住呢個島d人好鍾意養狗,我地又有養,仔仔又鍾意狗,行兩步又見一隻,佢好開心。呢個島上又有自己嘅沙灘,又可以帶小朋友去玩沙玩水,好乾淨,好靜。如果唔係老公返工遠,我會搬入黎住,真係好relax。