Re: 買樓定租樓
可能我講得唔夠清楚, 我講7厘的意思是: 如果要計投資回報, 要有7厘才算滿意. 如果買樓, 傳統智慧話俾我知, 買樓可敵通漲, 買左樓, 樓市低時, 通漲亦低, 通漲高時, 通常樓市亦會高, 我只是覺得買左樓就心安, 並不是說買樓可有7厘回報. Sorry, 我成日唸快過打字, 所以有時詞不達意.
回看香港歷史, 政府施行高地價的多年裡, 樓價都是大漲小回. 之後出了個慈祥的董伯伯, 佢希望樓價可以低一dd, 雲雲眾生可以不再做無殼蝸牛, 於是破天荒破壞了市場的自然供求, 推出八萬五, 雖然係好有效地令到樓價急速回落, 點知要佢停果陣停唔倒, 搞到香港經濟變一潭死水, 社會怨氣沖天, 有樓既慘, 無樓既仲慘. 結果政府高官要出來高調買樓, 推出"孫九招", 大大聲話要將樓價 "ush up a bit". 有過呢次血的教訓, 我唸未來幾界特首都唔夠膽再去搞個樓市, 因為歷史經已證明: 樓市跌, 香港經濟, 政治都會有災難性的后果.
我好鍾意董伯伯, 因為佢, 我有機會買樓. 只要安份守紀, 一家人從此不再需要搬來搬去, 一家人, 從此可以住靚裝修的樓, 可以為居所添置好多無謂野, 它日真係要搬時, 都可以樓換樓, 高買高賣, 低買低賣, 無需再為住所而煩惱. 住房質素, 是生活質素的一大部份, 兩公婆拗(辯論)的機會都少d.
買樓的機會可能只得一次, 能否把握, 是危還是機, 就全在自已一念之間.
從政府的角度來看, 樓市大升, 會好大鍋; 樓市大跌? 一定會仲大鍋.
[img align=left]http://img7.picsplace.to/img7/25/0578-1.jpg[/img]