回覆樓主:
聽過失敗乃成功之母嗎?你今日覺得失敗,咁努力改變做到成功囉,冇人天生識教仔,自己知脾氣唔好咪想辦法控制,花多d時間同小朋友溝通,我都唔好老皮架,朝朝叫起身擦牙食早餐,又要提醒帶嘢,講九十幾次都唔記得,好難唔變母夜叉,老公同仔女都話點解我要咁惡,咁唔想俾我鬧就唔好踩過我條線,大家約法三章,唔起身我夠鐘就關門走人,通常唔駛嘈,第二日佢地就自動自覺一叫就起身。樓主首先唔好再怨話自己唔應該出世,事實冇得變,行前一步諗方法教好自己小朋友,點樣改善下親子關係好過。
花旗太太生活在花旗國,留意時差,你問我未必即時答到。