嬰兒醫護 今日: 0 | 主題: 79101

積分: 517

1^#

發表於 09-3-3 21:32 |只看該作者 |倒序瀏覽 |打印

照結構知道bb有以上問題,有無人可以分享下?!

0 0 0

私人傳訊

積分: 17062

好媽媽勳章醒目開學勳章畀面勳章 BK Milk勳章

2^#

發表於 09-3-3 22:11 |只看該作者

原帖由 befaith 於 09-3-3 21:32 發表
照結構知道bb有以上問題,有無人可以分享下?!

我bb在16週時都照到有兔唇問題, 我地立即搵左香港兔唇協會了解, 另外約見左幾個c+整形外科醫生, 牙醫去了解手術的過程, 又見過瑪麗醫院的裂唇裂顎科的醫生, 而家打左去聯合醫院再約醫生見面.

原本想去東區醫院生, 而家可能會去瑪麗或聯合生, 而家要先睇睇邊間醫院的support好d.

我bb今年7月9日係預產期, 我諗你bb應該都係差不多呢個時間出世.

私人傳訊

積分: 517

3^#

發表於 09-3-5 07:51 |只看該作者

多謝你既回覆呀! 我都係7月既媽媽,我就諗住係廣華生既,所以而家由廣華既醫生跟番,要到3月底先見外科醫生了解,我地仲未去香港兔唇協會了解呀! 不過上網睇過佢個網頁,知道d奶樽要用特別既,加上而家未睇到係咪淨係唇定係顎都有問題,有時都會有d擔心!

仲有,我地都未同屋企人講,你地呢?

原帖由 LMCK 於 09-3-3 22:11 發表

我bb在16週時都照到有兔唇問題, 我地立即搵左香港兔唇協會了解, 另外約見左幾個c+整形外科醫生, 牙醫去了解手術的過程, 又見過瑪麗醫院的裂唇裂顎科的醫生, 而家打左去聯合醫院再約醫生見面.

原本想去東區醫院生, ...

私人傳訊

積分: 17062

好媽媽勳章醒目開學勳章畀面勳章 BK Milk勳章

4^#

發表於 09-3-5 19:25 |只看該作者

我地第一時間同兩邊屋企人講左, 講左出來會舒服d, 當時雙方家人都有唔同意見, 多數都叫我地唔好要, 我地亦有一刻動搖過, 但最終都決定keep番bb, 因為佢已經係一個人了, 好生猛的係我肚入面郁來郁去, 雖然在香港的法例上佢唔算係一個生命, 我地可以選擇唔要, 但係真係過唔到自己的良心.

你有無抽羊水睇bb有無其他問題? 我抽左了, 報告話bb正常, 所以我地更加唔可以唔要佢, 因為兔唇係咁多先天性缺憾入面最可治療的一種.

係呀, 明晚兔唇協會有一個新生患兒小組開始, 係比有未出世至3個月大的患兒父母參加的, 我同老公會去, 你想唔想去呀? 到時應該會教我地點樣照顧初生bb, 同埋令我地呢一班同路人有支援/支持系統, 互相學習, 勉勵. 時間係晚上7:30, 在橫頭磡(樂富地鐵站出).

協會有專比兔唇bb用的奶瓶賣, 直接從日本訂番來, 香港其他地方好少有得賣.

裂顎好難在u/s照到的, 要bb出左來先知. 你bb係雙側裂還是單側裂的, 我bb係仔仔, 雙側裂, 裂得幾嚴重的.

你有興趣去的話, pm你個手提電話比我, 我幫你預先通知協會再同你一齊上去.

私人傳訊

積分: 139

5^#

發表於 09-3-6 01:21 |只看該作者

Hi, 兩位,終於見到有人討論呢個topic, 我個bb女無兔唇但有裂顎,我個bb女上年出世, but個兒科醫生疏忽, 詳情請看以下連結.
http://forum.baby-kingdom.com/vi ... &extra=page%3D1
befaith, 你可以去個協會度睇下,因為佢地可以幫到你架, 你地兩個都要加油呀.
不過,bb自己本身嘅力量係好強勁架, 所以唔好太過擔心, 我都經歷過多個難過, 傷心同痛苦嘅關口, 但現在我會為我bb預備上戰場, 每日為佢地打氣,你地宜家仲係同bb連成一體,所以你地對bb嘅鼓勵係好重要架, 所以努力呀,兩位媽咪.
以下連絡都係一位雙裂唇嘅媽媽嘅經歷, 俾我地好大鼓勵呢~
http://www.hkcs.org/cnews/c293/c29305.html
我都為你地同bb打氣, 一齊加油

(我嘅力量來自於班默默支持我嘅親友,同各位媽咪, many thx)

私人傳訊

積分: 17062

好媽媽勳章醒目開學勳章畀面勳章 BK Milk勳章

6^#

發表於 09-3-6 02:06 |只看該作者

原帖由 mehk 於 09-3-6 01:21 發表
Hi, 兩位,終於見到有人討論呢個topic, 我個bb女無兔唇但有裂顎,我個bb女上年出世, but個兒科醫生疏忽, 詳情請看以下連結.
http://forum.baby-kingdom.com/viewthread.php?tid=2079685&extra=page%3D1
befaith, 你可 ...

mehk, 多謝你呀, 你同女女都要努力. 我同befaith算係不幸中的大幸, 咁早發現bb的問題, 可以o係bb出世前做好準備.

係呀, 兔唇協會真係好幫得手, 入面的朱主席好nice, 社工Celia都比左好大信心同鼓勵我地.

你連結入面果位作者-Naomi芳依, 我已經同佢見過面了, 都係協會應我地要求, 佢就安排左Naomi同我傾計, Naomi都有送佢的著作比我-幸福的意外.

係呢, 你打算搵邊位醫生同女女做手術呀? 我到時應該會搵林禮根醫生做手術, 但都想去聯合醫院了解左先再決定.

私人傳訊

積分: 517

7^#

發表於 09-3-6 13:39 |只看該作者

Thank you so much for you two's replies ah!!

終於搵到同路人真係好開心! LMCK: 我今晚唔得呀! 不如下次再有同樣聚會再join你地,我會PM我既手提給你,大家保持聯絡丫! 而家我好明白做媽媽既辛酸,有苦自己知,雖然作戰仍未展開,但真的要好好準備!

我抽左胎水喇! fast report正常, full report 要今個月尾先有,你會比佢係私家做手術嗎? 我諗住都係廣華跟番咋,bb係單側裂呀!(以上次照u/s計) 希望都係準確啦!

大家真係要一齊努力! add oil!!!

Pray to our lord as alway!!

私人傳訊

積分: 517

8^#

發表於 09-3-7 11:00 |只看該作者

mehk,

So sad to hear your news. 咁而家你囡囡點呀? 做左手術未呀? 我諗最難接受都係出世之前唔知道要面對, 如果早d知道可能會預備得好d. 不過好似我咁, 早d知既時候, 心情真係難免受到影響, 又唔想成日太擔心, 因為bb係我肚裡面係知我開心定唔開心既, 情緒會直接影響佢添~ 所以有時我都覺自己係咪有d精神分裂, 一面叫自己要開心,另一面又會突然好擔心而唔開心...

不過有你同lmck可以係度分享下, 我已經覺得好感恩! 希望多d支持同力量面對啦! ^^ 你都要加油呀!

原帖由 mehk 於 09-3-6 01:21 發表
Hi, 兩位,終於見到有人討論呢個topic, 我個bb女無兔唇但有裂顎,我個bb女上年出世, but個兒科醫生疏忽, 詳情請看以下連結.
http://forum.baby-kingdom.com/viewthread.php?tid=2079685&extra=page%3D1
befaith, 你可 ...

私人傳訊

積分: 139

9^#

發表於 09-3-8 10:36 |只看該作者

我會同BB係瑪麗醫院做手術同療程, 本來都諗過去私家做架, 因為諮詢過我個婦科醫生意見, 佢都advised我去政府做, 佢話現在唔算多呢d case, 好多人都去政府做, 經驗可能會比私家嘅好. 因為除咗做手術, 之後還有一連串嘅治療, 費用應該幾貴. 因為政府提供嘅係綜合治療, 手術後仲有好多野要跟進. 所以我選擇咗去政府做.
bb仲等緊手術排期, 好多謝你地嘅支持呀.
嚟緊嘅星期五協會有小組講關於個手術架, 我都報咗名出席.
你地要保持心境開朗呀, 我囡囡係開心豬嚟架, 成日笑架. 不過佢係我個肚度試過兩次想唔要媽媽, 所以我好珍惜呢隻豬仔架. 最緊要你地要開心,咁bb就好開心架嘞, 俾bb吸收多d營養. 記得了解多d點照顧佢, 因為我當日唔知, 真係好徬徨, 又唔知佢有裂顎, 更加唔知點解佢食唔到奶. 了解多d, 唔止對bb好d, 個人都安心d同定d架.

私人傳訊

積分: 517

10^#

發表於 09-3-8 20:42 |只看該作者

明白! 我相信我地既bb知道佢地既父母咁鍚佢地, 佢地已經好幸福! 因為我地都無放棄佢,並且更愛佢! 對嗎?!

希望你個bb快d有期做手術啦!

係呢! 黎緊星期五協會既講座係咪講有關裂顎既手術? 定係兔唇手術都會有講?我同我老公都諗住去協會一趟了解下,不過又想等埋月底見埋個外科醫生先~ 丫, 另外你知唔知bb係咪飲唔到人奶呀? 我聽人講話飲唔到,但係睇美國既網頁就建議媽咪繼續餵人奶,所以我都未知得唔得....

私人傳訊

積分: 139

11^#

發表於 09-3-9 00:33 |只看該作者

我同囡囡爸爸都覺得會特別鍚佢多d. 因為佢受嘅苦, 我知道只有俾佢無限同特別嘅愛先可以撫平佢嘅傷口.
我覺得你同老公可以去咗協會先, 唔好等月尾, 今個星期應該係講兔唇同裂顎嘅手術.
我bb飲唔到人奶, 不過你可以bump出嚟用奶樽餵佢, 我個時剩係知佢吮唔到, 所以都係bump出嚟餵架, 不過大人就辛苦d囉.
因為個時又唔知咩事,原來要用d大 hole d嘅奶咀又唔知, 佢飲60-80ml奶要成2個鐘, 咁又要bump奶喎, 我可能唔係多人奶, 都要bump成半個鐘架. 我個時又想自己照顧佢, 佢3個鐘食一次奶, 食奶食2個鐘+bump奶半個鐘, 只得半個鐘, 真係連自己食飯都無時間, 所以個時都無得休息, 仲加埋自己情緒唔好, 真係有少少抑鬱架.
你地生完都要多d搵人傾下, 吹下水, 講下笑, 好彩我有一班好好嘅朋友, 記得當日我家姐都幫我唔少呢. 最緊要有足夠嘅休息. 你地到時可以上嚟一齊傾下丫, 就算有d技術上嘅野我幫唔到手, 都可以大家吹下水, 心情會輕鬆d架.
不過你地早有準備就好d, 可以準備定d奶樽或者奶咀, 咁bb就可以食得快d, 時間都多d, 記得bb食完奶唔好立即放低, 起碼抱直佢一個鐘, 因為驚佢回奶, 好易走去個鼻度憤返出嚟架. 就算我b女宜家7個月都會鼻鼻憤奶架.
所以要細心d湊佢囉. 有問題可以問定醫生. 有懷疑一定要問, 唔好怕醜, 因為我地除咗係新手媽媽, 仲係新手護士,:loveliness: 我地一齊做好呢份工

私人傳訊

積分: 139

12^#

發表於 09-3-9 00:36 |只看該作者

睇返轉頭,原來我地3個baby都係7月baby喎:loveliness:

私人傳訊

積分: 517

13^#

發表於 09-3-9 21:25 |只看該作者

咁我問下我老公星期五黎唔黎到先, 使唔使打去協會果邊登記左先架?! 到時我地都會睇下係咪要買定d奶咀/奶樽.

仲有好多謝你既分享,對我地黎講好有用,黎緊作戰真係要萬二分精神,我都驚我會抑鬱呀!

其實我好驚血,好驚見手術果d,所以今次真係好大既試煉,如果要睇果d做手術片段,我諗我都係唔敢睇....一諗到呢度,就覺得自己好無用! 不過, 睇完我諗我既情緒會更差...

私人傳訊

積分: 517

14^#

發表於 09-3-9 21:25 |只看該作者

7月既baby應該係好熱情,好開心既bb! ^^

原帖由 mehk 於 09-3-9 00:36 發表
睇返轉頭,原來我地3個baby都係7月baby喎:loveliness:

私人傳訊

積分: 17062

好媽媽勳章醒目開學勳章畀面勳章 BK Milk勳章

15^#

發表於 09-3-10 14:23 |只看該作者

呢輪唔知點解, 成日上唔到bk, 激死人

上星期五主要係講餵奶的技巧及會遇到的問題, 另外安排左三個義工家庭同我地分享同解答我地的問題, 好有用. 呢個星期五會講補唇補顎的手術. 所以befaith你盡量抽時間黎啦. 到時我地3個可以見下面嘛.

另外又知道原來bb出世後會轉到加護病房, 唔會將佢同正常bb放埋一齊, 又有媽咪分享到o係加護病房見到好多一出世就患有唔同先天性疾病的bb, 相比起自己的bb, 我地已算好好彩.

因為我已有一個大仔, 所以我o係分配時間照顧佢兩個呢方面要考一點心思.

mehk, 我都見過瑪麗醫院的李金合醫生, 到時唔知係唔係佢幫你女女做手術呢? 我搵的林禮根醫生其實都係瑪麗醫院出來的, 佢好有經驗的, 聽有d過來人分享, 因為政府問題, 好多好有經驗的醫生都變左出來私人執業, 林醫生係其中之一, 佢而家都有返瑪麗教書的.

我都想盡量餵人奶, 我餵大仔餵到佢15個月先停(我係全職媽咪), 但係當時埋身餵就得, 反而泵就泵唔到好多, 但係都知道如果泵開的, 就好易會泵得出, 只要係定時定候去泵就可以了.

好了, 傾住咁多先, 我要去買"食送"兼湊大仔放學.

私人傳訊

積分: 139

16^#

發表於 09-3-11 01:00 |只看該作者

我第一次睇係Dr Ng架,第二次覆診先係李金合醫生. 陳姑娘話李金合醫生幾好, 幾資深喎.

LMCK,
請問你有無問過如果俾bb去私家做手術埋單需要幾錢?係未可以返政府跟進?其實我地當初都有諗過去私家做架.

7月baby係好開心架, 我個囡係開心豬嚟架, 我同佢爸爸都覺得佢係天使. 你地兩個個bb都會係一個快樂小天使嚟架. 放心啦!!!我同自己講, 人無十全十美嘅, 可能我地個baby好多地方都太完美嘞, 所以俾返小小缺憾俾佢. (自大狂,哈!哈!):loveliness:
諗返轉頭, 其實當日都好傷心難過, 經常問點解, 因為同期身邊有好多朋友+同事一齊生bb, 眼見人家個個bb都咁健康正常, 點解剩係我會偶到d咁嘅事. 會問自己係未做錯咗d咩事. 又問個天點解要咁對我. 個一刻先知原來做人父母, 唔係自己嘅小朋友有事, 係唔會知道個種痛. 可能其他媽咪會覺得難過, 但個程度真係只有自己先知. anyway, 我相信一切都會過去, 經過呢一課, 大家都會更加成熟, 更加堅忍同勇敢.

私人傳訊

積分: 517

17^#

發表於 09-3-11 08:28 |只看該作者

lmck,mehk:

咁你地兩個係咪今個星期五晚都會去協會呀? 你地既husband會唔會一齊? 我都想去協會了解下呀!

其實我一心都諗住係政府做,因為我諗住私家都會幾貴,唔知兩者既分別大唔大呢?

係呢, lmck, 你見左聯合既醫生未呀? 果日睇蘋果報紙,見到聯合出左d tools 比bb一出世就用既,唔通聯合都係呢方面好pro既?

私人傳訊

積分: 517

18^#

發表於 09-3-13 23:56 |只看該作者

Nice to meet you two tonight!! ^^ Keep in touch & update!

私人傳訊

積分: 139

19^#

發表於 09-3-27 10:04 |只看該作者

大家咁耐都無update嘅?
我噚日收到醫院電話嘞,話安排到下星期一俾bb做手術,但好不幸,我下星期一要出trip呀,真係六合彩都無咁準,所以我cancel咗,我安慰自己唔緊要啦,bb現在都係8個月啫,人地都係9至12個月做架啦!anyway,希望快d有返個期俾我啦,please!!!!!!!!!!

私人傳訊