吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 真係唔知點算好-深層矛盾（唔好意思好長...） ...

婆媳關係今日: 1|主題: 27701

收藏本版

發帖

返回列表

跳至頁

樓主: A.Yin

真係唔知點算好-深層矛盾（唔好意思好長...）

2 345 6...14

積分: 3719

61^#

發表於 12-5-13 20:23 |顯示全部帖子

車門一路開住，呢個時候99好loud，大叫一聲唔好俾他走（我冇睇到但我估王哥即刻去tart車），我爸一上車，大家知電門比較慢，＂珊＂緊之濟，99架7人車從後衝前車頭45度斜角擋喺我哋架車前面，嘭一聲，我嘩！叫咗出聲，度門先啱啱"珊＂憾哂，我爸喺車廂入面好嬲好嬲好大聲大叫開門！，度門又好慢咁開番，難為個師傅由始至終唔知發生咩事，我爸一落車之際，他都落車同望下架車，我都解安全帶準備跟著老豆，老豆聽到click一聲即刻回頭喝我：坐低，因為師傅喺車頭冇人＂柵＂車門，咁我望到老豆氣衝衝行去堆36+公安度，喝住個公安：你一對眼，加幾百對眼（指住班圍觀人），睇到他撞我們架車，你係唔係唔做嘢。

個公安死死地氣行去車頭, in the meantime 兩個司機喺車頭用鄉下話交談，語氣平和，可能傾惦數。個公安指住王哥（用普通話）：你，跟我來，刑事拘留。
王哥唔出聲，跟他行埋一邊，個公安唔知點樣call backup, 我爸等他們行開，用手提電話影得兩個車嘅傷痕，再影班36加公安同王哥，同個師傅講聲，冇事的我會負責，就自己上車。師傅就倒車走

成程車我們冇人講過嘢直到番屋企，他推我番房，叫我休息，同工人交帶聲就出咗去

成件事就係咁，霸咗好多版面，希望大家見諒

私人傳訊

A.Yin

大宅

積分: 3719

62^#

發表於 12-5-13 21:19 |顯示全部帖子

回覆 Jackie11 的帖子

我冇睇到，淨係聽到她大叫，＂唔好俾佢走＂

私人傳訊

A.Yin

大宅

積分: 3719

63^#

發表於 12-5-13 21:27 |顯示全部帖子

多謝各位，既然到呢個地步我會好好行落去

我媽咪頭先send msg過來，話日日都係母親節，唔好亂諗嘢

我開始明白我daddy mummy 的用意，他們可能想我自己冷靜下，喺屋企冇人的情況下，我反而比較冷靜。

希望等C6番嚟後，一切都安靜落嚟

非常非常感激各位，love u all.

私人傳訊

A.Yin

大宅

積分: 3719

64^#

發表於 12-5-13 22:45 |顯示全部帖子

Erised 發表於 12-5-13 21:52
你奶奶係我見過最恐怖既奶奶！！呢版其他奶奶，難頂極都係阿之阿左，唔理佢都唔使死，係奶奶係直頭痴線瘋狂 ...

我一直以為她只是口抹遮欄，間唔中發瀾，冇諗過她係發癲，搵埋班36直頭係匪夷所思，我真係一D準備都冇，一開始仲善意同她們打招呼。
我現在completely＂怕＂咗她，唔係嗰種怕，係同她講多句都廢事。

多得你哋支持我爸爸，他一句句x婆，甚至死x婆，我寫的時候都有D唔好意思。正如有位jm講得好啱，他食鹽多過我食米，感覺上他好似未去sz之前已經準備好＂戰鬥＂，我都去到中段先識反應。

今日母親節，我有比較深的體會，99係C6媽媽，她點對我都好，我唔會同C6講她半句壞話，做呀媽真係唔易，我只會喺C6落機後同他如實講經過。我諗他知道自己呀媽做埋D咁嘅嘢都唔知點算好。

不過點都好我要做的都做咗，安胎最緊要

多謝您

私人傳訊

A.Yin

大宅

積分: 3719

65^#

發表於 12-5-13 23:55 |顯示全部帖子

JOLA_CC 發表於 12-5-13 23:28
Support 你daddy, 佢明顯係要保護你，幫你一次過解決問題。可憐你62，難怪有小3／4／5！

...

多謝多謝

所以我一開始都＂同情＂62，有傾向幫他啃咗99呢嚿豬頭骨，但後尾jm提點之後就冇

我現在懷疑99就係因為62屈她去照顧我（唔通她都懷疑有小3？）所以惱羞成怒，加上我唔想去她又無面，要一次過發洩喺我身上。

私人傳訊

A.Yin

大宅

積分: 3719

66^#

發表於 12-5-14 00:15 |顯示全部帖子

lottieclee 發表於 12-5-14 00:04
你99唔係懷疑有小三，係知道有小三。嗰班36咁殘雞，全部老公都有小三啦！佢同你講嘢的態度，十足十當你係佢 ...

哈哈，又有D似喎，我以為班36要幫99出D婆媳氣咋，事實我現在諗番轉頭，又唔係血海深仇，我又唔識她哋，洗唔洗咁呀？
咁我老豆咪我情夫？

。

好彩有你哋陪，我現在先有心情講笑。
多謝

私人傳訊

A.Yin

大宅

積分: 3719

67^#

發表於 12-5-14 00:35 |顯示全部帖子

JOLA_CC 發表於 12-5-14 00:06
Haha,冇得話啃咗99呢嚿豬頭，但有冇想過同62聯成一線，一齊被開99？例如，99現在只聽62話，叫62叫99遠離你 ...

雖然我本質上同情62，但他今次咁樣搵我＂較飛＂喎

同他聯成一線唔知他第時會唔會出賣我

6299實在太高章，話唔去，又喊又打俾我媽，又叫親戚打俾C6，62出絕招俾嘢BB搞到我唔好意思推，99食住上話唔攞就過澳洲，我好似走咗入棋局，點行都死，他們都有辦法應付，所以現在學識見步行步保護自己，我能力有限諗唔到6299會出咩招，未去深圳之前我仲以為只會＂舌戰＂甚至我爸同99嘈下，冇諗過99整班36我哋兩個嘆，真係估她唔倒

我現在只能寄望C6有咩辦法阻止他兩老再搞事

私人傳訊

A.Yin

大宅

積分: 3719

68^#

發表於 12-5-14 10:59 |顯示全部帖子

多謝多謝。

下午要同C6去酒店（原來daddy mummy 喺香港）話食午餐傾下。你們的支持比C6番更重要，我反覆睇完會更有勇氣面對。

唔知62／99會唔會喺度，不過唔緊要，最壞的應該過咗

P.S.問心，我覺得王哥（99司機），應該唔係有心，雖然嗰一刻我睇得唔係好清楚，但他可能想車用擋住我哋架車前面但是攞位時車頭對車頭（左角對右角）撞咗，如果要撞我哋他可能從後撞。

私人傳訊

A.Yin

大宅

積分: 3719

69^#

發表於 12-5-14 11:19 |顯示全部帖子

A.C.C. 發表於 12-5-14 08:45
唔好再見你99，
下次佢再出招，係會迫你離婚，放棄BB
唔係嚇你，佢已經玩到要唔俾你走，如果係香港，已經算 ...

𠲖家件事過咗，睇番轉頭，我覺得＂離婚＂呢度幾好笑，咁都俾個36搵到位＂sip", 有少少九唔搭八

我可能比99家奴更可悲因為我係＂no pay"的

我哋喺澳洲註冊，連香港都冇，99吹我唔脹，C6都係香港身份證同澳洲passport,他好似係連＂回鄉證＂都冇嘅

我現在就係怕在班36屈我爸打人，她們由三樓嘈到落地下，雖然三樓都係獨立房，難保會有人聽到，喺地下時又成班人圍我兩個，我諗喺班圍觀人仕眼中，99＞大婆，我＞小3+有咗BB，大婆要圍小3

。如果真是有公安問起，可能會出現好多版本，呢個係我最擔心的。

私人傳訊

A.Yin

大宅

積分: 3719

70^#

發表於 12-5-14 15:44 |顯示全部帖子

我現在喺酒店房個廁所，啱啱同C6、daddy mummy、食完lunch, 呢間房係daddy mummy呢兩晚住的。AWY，有件事好驚嚇！99竟然喺SZ自殺！（一哭二閙三上吊？）我一聽到我媽咁講，我即時話有D肚痛要去洗手間，我真是好想即時話俾你哋知。

我好衰，我一D都唔擔心，只是覺得99玩嘢~

點評

siu_yu0621 佢係玩野.... 發表於 12-5-15 04:21

私人傳訊

A.Yin

大宅

積分: 3719

71^#

發表於 12-5-14 16:27 |顯示全部帖子

中場休息。因為我mummy勸緊C6去睇99，他們叫我入房俾C6喺出面（酒店房嗰廳）傾下

叫我珊埋門入房休息。我無所謂呀，冇人勸我番大6就得架嘞。

私人傳訊

A.Yin

大宅

積分: 3719

72^#

發表於 12-5-14 16:58 |顯示全部帖子

首先講件我好on居但又好搞笑的事俾大家聽

話說我一路都好擔心daddy俾人話打人單嘢，咁我就唔知點咁問我老豆：Er....., 你有冇俾人話你打人呀？有冇公安搵你呀？

點知我老豆爆笑咗一聲，然後exactly 呢個樣

話：下？個公安假架喎，我

，點解咁講？我爸一路用恥笑眼神望住我：你無睇到他無戴helmet淨係帶住頂警帽，揸架前7公安電單車又冇響警號咁洗埋嚟咩？我：Er............
他：傻女你睇唔到都望下他套制服吖，熱還熱，點會有人露件爛鬼白色背心出嚟架，呃D大6人就得，我幾想話班8_（嘻嘻，大家知他想講邊個字但我爸突然醒起我媽同C6喺度）..C9叫她們落下本做下功課吖。仲有呀邊會有公安問人＂打那裡＂，做救傷車架咩，係都問做乜打人啦！哈哈哈哈，你唔見我即刻大番他轉頭咩？班C9夠薑就搵他拉我，嚇鬼呀？我仲調轉頭叫他處理番個交通事故添呀！你冇睇到他好笨拙又唔知點算咩？哈哈哈哈你正儍女！

我：

唔知點解今日心情好輕鬆，多得您哋支持開解！
我再慢慢寫C6同今日發生的事

私人傳訊

A.Yin

大宅

積分: 3719

73^#

發表於 12-5-14 17:18 |顯示全部帖子

Erised 發表於 12-5-14 16:15
無錯，佢已經出到搵班八婆來圍你地，非法禁錮，搵車撞你大肚婆，又玩自殺，一言不合已經發哂癲，已經到左極 ...

下？

咁如果C6決定上去會唔會有危險架？
自己個仔..........我要唔要出去加入會議？

mouth:

私人傳訊

A.Yin

大宅

積分: 3719

74^#

發表於 12-5-14 17:23 |顯示全部帖子

Erised 發表於 12-5-14 17:01
假公安咁都得
大陸果然乜都夠膽死係假，享香港俾人拉去坐監啦，冒警都做得出！

我嗰一刻真係冇daddy睇得咁清楚，思路咁清晰，不過我爸一D事都冇仲笑得出就....
班36（或99）咁都得，真是頂她們唔順，有冇咁毒呀

私人傳訊

A.Yin

大宅

積分: 3719

75^#

發表於 12-5-14 17:38 |顯示全部帖子

Shit!,我聽到我媽話要同C6去SZ。她係唔係俾99嚇到痴咗

唔好意思，暫停

私人傳訊

A.Yin

大宅

積分: 3719

76^#

發表於 12-5-14 18:57 |顯示全部帖子

好彩又係我daddy頂住

我一出去嗰下老豆對住我媽話，儍啦呢個係他(C6）的家事，妳以為妳係邊個，妳對妳個女的時候又咁理智咁冷靜？

我媽：唔係，咁囡囡有我哋陪xx（C6）冇吖嘛，邊個見到自己呀媽咁樣唔嚇到傻咗

我爸：得啦，他成30歲，細路咩，我哋心支持他就得啦，人哋（99）想見個仔，喺她眼中你搶咗她半個仔，妳話她想唔想見到妳？
（對住C6）xx，我無意見你去唔去，坦白講你媽有D失控，不過男人大丈夫你要去解決去面對，唔好做縮頭龜，她生你出養你大，你番書仔，生養死葬你識唔識，難聽D講，癲咗都係你呀媽，你要去處理妥當件事，她今日搞單咁的嘢，聽日掟我個孫落街咁惦？你到時先嚟殺咗你呀媽呀？

我媽即刻鬧我老豆：你點可以咁樣講嘢架，你講得太過份

C6：daddy mammy,ok嘅，我冇嘢，（對住我）你覺得點？需唔需要我陪你

我話：我唔需要你陪（因為我有一班jm陪

），我只是想講你媽唔知做乜，如果你要去你自己小心D。

我自己番咗入房，始終C6應該自己決定，我唔想左右他。

私人傳訊

A.Yin

大宅

積分: 3719

77^#

發表於 12-5-14 23:31 |顯示全部帖子

多謝多謝，我諗我爸見到咁多人讚他他又好似篤穿咗假公安事件時哈哈哈哈咁笑，畢竟前日他一意孤行，屋企兩個女的，一個同他嘈一個不太信任他

C6都係決定睇他媽，我哋一屋人無阻止他，但有件事就係，王哥落嚟車他，接他的時候王哥insists 一定要見到我，喺咁話要同小姐道歉，仲跪喺酒店車道。C6無辦法就SMS我，我爸一聽到就話落去啦，一D猶豫都冇。

咁我照落，王哥又係即刻跪話小姐對唔住，酒店concierge 已經望實，我話王哥我有BB唔方便扶你，你起身先啦。他話一時情急嚇親我，他真係唔想嘅，因為喺北京的時候，平時唔係他跟開太太....（意思話自己愚忠），好彩X總（62）唔洗他賠，淨係扣他三個月人工同要他向我道歉。我話你真係好危險，你咁樣會搞出人命，我咁講一講他眼淚流出嚟咁濟，我唔想再話他（再者他唔係我請的），他不斷好panic咁話唔好辭退我，劉哥（62個近身司機）會打死他，他回唔到鄉。我話咁大件事我真係唔識講算，不如你哋上去先，呢度唔停得耐。

私人傳訊

A.Yin

大宅

積分: 3719

78^#

發表於 12-5-15 00:36 |顯示全部帖子

番到上去老豆話他（王哥）冇嘢吖嘛，我話跪同眼濕濕。他話星期六他即刻番咗公司report 有car accident, 睇下公司應該點做的，但原來架車係公司當日同外面租的，架車唔屬於公司車所以唔知點賠，咁我爸打俾62，62話他即刻親自落香港處理。點知星期6點撲都冇機位，加上他們想我喺屋企靜下就順便住喺酒店。

第二日（星期日）62約我爸的時候，帶埋王哥跪喺酒店個lounge，我爸話我唔受呢套你有嘢就講，王哥又解釋一輪。我爸話大家男人我鬧你又廢事，你做好本份揸好你架車係應份，幫老細做嘢都係應份，我欣賞你夠忠但你唔用腦不顧後果就唔係揸車應有態度，冇人條命係賤嘅，你唔係整到人都整到你自己，你要記住你做呢份工的責任。
62：親家你認應該點？
我爸：X生（62），你的人我冇權話事，作為一個道路使用者我當時冇同向任何執法機關擧報即表示我放棄追究刑事責任的權力，我只要求你們作應有的賠償。62：一定一定。係呢呀家嫂冇事嘛。
我爸：有冇事唔係𠲖家講，係發生任何事之前有冇人有negligence,或者固意做任何事導致任何事件發生（嘩！我爸學埋99D句句有骨）。
62：親家，我都係大致聽司機、X總太太、（我爸話唔知62噏咗幾個人但他唔記得）講，呀Y（99）她可能見新抱仔唔舒服又想關心她但又唔知點解見極都見唔到（

what????咁你都噏得出？），緊張BB我哋老一輩在所難免，她又退休冇乜嘢好做，亂諗嘢多咗，我哋男人唔明都要忍（62你喺度講緊咩呀？）。
我爸：你講咩都係假亦無用，成件事針對的係我個女唔係我，我既唔會幫你傳達訊息，更冇可能幫你講說話，你有嘢自己同她講
62：新抱仔喺屋企休息緊？
我爸：係，我哋冇諗過騷擾她，建議你等埋X（C6）番先再講
62：好。咁失陪了，我去處理下D事先，請親家你哋好好休息
我爸：唔送

_________________

我：嘩你記得咁清楚嘅？
爸：你以為你62傻架好對付，你要戰鬥就equip yourself
我：....
爸：暫時咁多先，你今晚喺度瞓我同媽咪番屋企，方便你老公半夜番嚟
我：咁99.....
爸：我淨係lunch接到你62電話話你99唔知琴晩定今朝自殺，至於她咩時晨以咩形式了結生命我就唔知嘞你問番你老公，你62淨係話今日過唔到嚟同拜託我們勸你老公上去
我：咁你唔早D講？
爸：第一，你老公叫做啱啱落機無耐有冇瞓過都唔知，第二，如果urgent 你62仲唔縛他上去？幾時輪到我們插手人哋家事，你可唔可以醒少少
我

私人傳訊

A.Yin

大宅

積分: 3719

79^#

發表於 12-5-15 10:37 |顯示全部帖子

妳哋越讚我老豆我越慚愧，我之前仲以為他過激又鬥氣

，他仲瞓左好幾晚書房

C6成晚都冇番過嚟，我會直接checkout番屋企。不過王哥打上酒店房（可能他琴日揸車接C6要同樓下講room #? 男家D人點解可以咁無孔不入？）喺咁叫我原諒他，他會無咗份工（大佬，我夠會差D冇左條命，仲要兩條），我實在冇辦法，話我如果見到62會同他講下。
咁我順便打聽C6消息，他話C6喺X總（62）屋企，太太（99）應該今日出院（真是入咗醫院？）X總（62）番咗北京。

下？

62你唔係呀哇，番北京？你係咪真係咁大生意？要見小3？定將99交比個仔呀？

私人傳訊

A.Yin

大宅

積分: 3719

80^#

發表於 12-5-15 13:15 |顯示全部帖子

好嘢！我真是冇話可說。唔知99定36s又出招，我真是就嚟講粗口，想點呀她哋？

我番到屋企，工人話琴日有人送嘢上嚟俾我，我覺得好奇怪，我又冇訂過嘢，澳洲朋友冇可能知道我香港地址。我問她琴晚做乜唔同我daddy mummy講，她話嗰個人指名俾我，用英文講咗句：＂miss X's parcel",所以她擺咗喺我房

房枱面見到個黃色信封，上面有簡體字又用箱頭筆＂查＂咗地址／公司名，入面有盒＂録音帶＂