嬰兒醫護

收藏本版
發帖
返回列表
跳至頁

首頁
1

尾頁
   270
HinBB0624


大宅

積分: 1891


1#
發表於 10-4-12 16:10 |顯示全部帖子
伏hey氏

想請教：我個Ｂ9個月大，一路以來問題不大，只是在晚上睡覺時，瞓到半夜會ar ar聲，但拍佢幾下就瞓番。但最近3星期，佢開始瞓到半夜會大喊，點拍佢都喊。試過唔抱佢約2分鐘，不斷拍佢，同佢講媽味喺度，佢就越喊越大聲，流晒眼淚，第2朝把聲沙哂且好眼瞓。正因為佢好眼瞓所以遲起身，成個schedule遲哂。所以每當佢半夜喊唔收聲，而家都要抱佢起身，通常2-3分鐘會即刻瞓番。但係過左1-2小時，就會重覆以上直到5、6點左右。所以我和老公近排都非常攰，因為我們都要番工。

其實我喺度諗，呀B而家的pattern同以前差不多，可能而家大咗氣力大咗，所以喊得好大聲，同埋大咗知道爸媽錫佢會抱拒。

schedule 如下：
8:30am 起床
9:00am 飲奶
10:00-11:30am 小睡
12:00-1:00pm 食糊仔+少量奶 (因為呀B偏瘦)
1:00-2:00pm 同工人姐姐玩
2:00-3:00pm 小睡
3:30pm 飲奶
4:00-5:00pm 同工人姐姐玩
5:00-6:00pm 小睡 (有時瞓有時唔瞓)
6:30pm食菜蓉
7:00pm 飲奶
7:30-10:30pm同爸媽玩(通常唔瞓)
10:30pm 飲奶 (通常一路飲一路瞓，因為玩得實在太攰)所以喺抱住佢瞓
11:15pm 放落床瞓至8:00am, 但而家半夜喊醒。

請問有何建議？
私人傳訊

HinBB0624


大宅

積分: 1891


2#
發表於 10-4-13 10:10 |顯示全部帖子
唔係，初初是2、3点，近1星期提早了，有時食完最後一餐奶45分鐘後就開始喊。但提早開始又會提早結束。昨晚佢12:30開始喊，我地又抱佢啦，直至2:00。然後就瞓到天光。
原帖由 pyjess 於 10-4-12 18:22 發表
你講O既半夜係唔係大約2.15佢就醒, 而且天天定時?
私人傳訊

HinBB0624


大宅

積分: 1891


3#
發表於 10-4-14 17:10 |顯示全部帖子
我呀B己經9個月啦。昨晚呀B瞓得好差，醒了5-6次，我地成晚無得瞓。

原帖由 pyjess 於 10-4-13 19:26 發表
我估係因為佢食住奶瞓, 唔清醒放落床, 到佢有清醒時, 就發玩奶樽/你唔見左, 所以喊....不過因為佢地睡覺PATTERN未DEVELOP好, 唔似D6個月以上BB, 會瞓3個鐘先有定時自然醒時間

你試下要佢清醒地落床, 等佢醒時發覺同 ...
私人傳訊

HinBB0624


大宅

積分: 1891


4#
發表於 10-4-14 17:14 |顯示全部帖子
同埋另外都有點我想問下架~
唔可以抱訓,用果個等1分鐘 拍2分鐘既方法唔掂咁可以點算? 因為佢一喊 就要人抱,如果唔抱,仲會愈喊愈西利~喊到成身汗~結果搞到佢更加唔舒服..或者你地話 抱1-2分鐘咁..我試過,抱一陣又放低佢,一放低果下佢就會發哂癲咁狂叫.就算即刻抱番佢起身都冇用..

我阿B的反應同你一樣。如果你train得成功，記得同大家share。謝謝!

原帖由 秋月 於 10-4-13 23:51 發表
P.S. 有點兒長篇了...sorry= ='

我bb都成日要人抱訓架~而家10個月大
一直以黎都冇定時食奶/訓覺..

佢每隔4個鐘就要飲奶,連半夜都係咁既,訓緊教都會無啦啦醒左要飲奶,有時會遲左1個鐘到,食奶既份量都好唔定,朝早第 ...

私人傳訊

HinBB0624


大宅

積分: 1891


5#
發表於 10-4-14 17:21 |顯示全部帖子
係。因為通常最後個次奶10:30pm，呀B己經眼瞓到不得了。飲完己经瞓咗。但佢因為經常回奶，所以會抱多20分鐘先放落床。

原帖由 pyjess 於 10-4-14 17:15 發表
SORRY, 睇錯左
咁你地尋晚係唔係抱住佢飲奶瞓?
私人傳訊

HinBB0624


大宅

積分: 1891


6#
發表於 10-4-14 17:38 |顯示全部帖子
呀B通常係合埋眼的,不過就勁喊。流眼淚，喊到把聲沙哂lor,直到我地抱佢起身為止。

原帖由 pyjess 於 10-4-14 17:27 發表
其實你一定要守住唔望眼, 唔開燈呢D原則....講唔講野, 抱唔抱, 本本書講都唔同, 不過其通點係:你O既安慰唔可以超過2分鐘, 2分鐘後, 點都要離開

其實有成功例子, 都係BK 媽媽, 不過佢PM我問O既, 所以唔可以公開, 佢 ...
私人傳訊

HinBB0624


大宅

積分: 1891


7#
發表於 10-4-14 17:55 |顯示全部帖子
無勇氣搞醒佢，驚佢唔瞓。我要同老公商量how to train my bb. 其實我老公聽過，但唔敢試。

原帖由 pyjess 於 10-4-14 17:34 發表
嘻嘻, 因為我唔夠力抱B食奶, 所以我放佢O係HIGH CHAIR上面食; 不如你提早少少俾佢食, 等佢無咁眼瞓, 就算食食下瞓, 都搞醒下佢先放落床, 等佢知你放左佢落床瞓....其實一般6個月以上BB, 已經有清醒/再入睡固定週期, ...
私人傳訊

HinBB0624


大宅

積分: 1891


8#
發表於 10-4-15 16:50 |顯示全部帖子
祝你呀B快d好番。
我昨晚踏出第一步，呀B10:30pm飲完奶就瞓咗，然後過了30分鐘我就攪醒佢。跟住放落床，佢開始喊，我就拍佢同唱歌，佢好可憐咁望住我喊(我偷望到)，流哂眼淚，塊面谷到紅哂，舉高手想我抱。我無望佢，自己合上眼一路拍一路唱歌。過了幾分鐘呀B自己瞓着咗。我好開心，於是行出房。但係過咗10分鐘，呀B又大喊。我入房繼續一路拍一路唱歌，如是者攪咗足1個鐘頭，呀B就瞓着咗。成晚無大喊，只有1次ar ar叫。

希望唔喺撞彩，今晚會再試。

原帖由 pyjess 於 10-4-14 21:48 發表
Post 47
http://forum.baby-kingdom.com/thread-2876259-3-1.html

Post 5
http://forum.baby-kingdom.com/redirect.php?tid=3030925&goto=lastpost#lastpost


PS. 我隻B發燒, 休市~
私人傳訊

HinBB0624


大宅

積分: 1891


9#
發表於 10-4-16 15:37 |顯示全部帖子
尋晚第2次試，呀B飲完奶瞓咗，我又攪醒佢。然後同佢講而家瞓覺啦，老公同佢講good night，我就放佢落床，今次佢無喊wor，我照舊一路拍一路唱歌，10分鐘就瞓著。到3:00am同6:00am 喊過，但我地無抱佢起身，只係拍下佢，佢就瞓番。

原帖由 HinBB0624 於 10-4-15 16:50 發表
祝你呀B快d好番。
我昨晚踏出第一步，呀B10:30pm飲完奶就瞓咗，然後過了30分鐘我就攪醒佢。跟住放落床，佢開始喊，我就拍佢同唱歌，佢好可憐咁望住我喊(我偷望到)，流哂眼淚，塊面谷到紅哂，舉高手想我抱。我無望佢，自己合上眼一路拍 ...
私人傳訊

HinBB0624


大宅

積分: 1891


10#
發表於 10-4-21 17:47 |顯示全部帖子
我要update下大家我呀B情況。上星期三晚開始試唔抱瞓，情況都叫做OK，已同大家分享。到左星期六bun bun放假，全日都喺我同老公揍呀B，所以同佢玩得特別多。到咗瞓覺時，我放佢落床，佢又無喊wor，我一路唱歌一路拍佢。但見佢唔多理我，我索性行開，等佢見唔到我。佢喺張床碌來碌去，自言自語da da da ba ba ba，30分鐘後自已瞓着。嗰晚半夜無大喊。我喺幾咁開心。以為成功啦!

點知星期日晚佢回復本來pattern，我放佢落床，唔夠1分鐘已經大喊，我一路唱歌一路拍佢，佢就愈喊愈大聲，大到蓋咗我把聲，仲握實拳頭，揭斯底里地叫/喊，聲開始沙，我當時喺度諗佢會唔會窒息，最後我投降，抱佢起身，佢就唔喊啦。嗰晚當然又喺抱瞓，成晚1個鐘頭大喊1次，每次都要抱起身先唔喊。所以我地基本無瞓。

我喺度諗點解會咁呢？唯一唔同喺星期日我同老公出街鬆鬆，陪佢玩嘅時間好少，呢嗰會唔會喺原因呢？佢覺得親子時間唔夠，唔高興？或唔夠攰？

我尋晚放工後起勢咁同佢玩，玩到我自己好攰，佢瞓覺又無嘢喎。點解呢？
私人傳訊

HinBB0624


大宅

積分: 1891


11#
發表於 10-4-22 16:09 |顯示全部帖子
ＢＢ真喺反覆無常，一段時間得一段時間唔得，是成功還是失敗? 想問如果呀Ｂ喊成咁樣，應該繼續train嗎? 還是等下一次? 昨晚同佢勁玩，瞓覺又唔得喎! 可能天氣太熱? 應該點做呢?

原帖由 pyjess 於 10-4-21 23:29 發表
玩唔單止用黎發洩精力, 等佢累一D瞓, 亦都係解佢單思之苦, BB好細, 已經識掛住人O架喇~
私人傳訊

HinBB0624


大宅

積分: 1891


12#
發表於 10-4-22 16:15 |顯示全部帖子
呀Ｂ細時我都有用果隻blanket，但佢而家大咗，(10 個月)佢唔肯用啦, 有時連sleeping bag 都唔肯用。諗番之前佢細個D時，又真係無睡眠問題wor，係最近1個月先開始大喊...頭痛...

原帖由 Gigikiwi 於 10-4-21 22:43 發表
And u can try to buy a blanket in Wing Ox. It's very good 彈力 so you can tie your bb very tight, feeling like u're holding him/her. It costs around $100. Last time I bought it in Mongkok shop.
私人傳訊

HinBB0624


大宅

積分: 1891


13#
發表於 10-4-29 16:27 |顯示全部帖子
又上嚟update下先。我試呢種新方法，唔知点解有時得有時唔得。而家仲摸緊喺乜嘢問題。

前晚呀Ｂ飲完奶如常瞓着咗，30mins 後我攪醒佢，然後同佢講"你都試得多囉，而家媽咪嘈醒你"佢竟然喺度笑...之後我放佢落床，拍佢同唱歌，佢碌來碌去，30mins左右自己瞓着咗。成晚無喊無醒過。真係10個開心！

尋晚我老公同我講"唔該你用昨晚的方法令呀Ｂ瞓覺"因為我地對上一個星期好辛苦，無覺好瞓，而家兩個都想作病。咁昨晚如常咁做，初段OK, 但呀Ｂ瞓左3-4個鐘頭左右，又突然大喊，我拍佢唱歌都唔得，仲越喊越大声。結果我又抱起佢，但我今次用的方法有Ｄ唔同，我抱到佢唔喊收聲，無等佢瞓着就放落床，結果佢又碌來碌去，自己瞓着咗。無再喊醒，直至天光。
私人傳訊

HinBB0624


大宅

積分: 1891


14#
發表於 10-5-3 17:19 |顯示全部帖子
你呀Ｂ成10点先沖涼，我諗佢扭計係因為太攰啦！
我呀Ｂ由5到8個月時，又係好鐘意扯自己隻耳仔，會扯到流血，耳珠边經常有血痕，我都好心痛嫁！我諗可能係佢耳仔好痕或習慣/玩。所以我會用水幫佢抹耳仔，因為如果太熱出汗，Ｄ汗會令到佢好痕。清潔完後，幫佢搽少少lotion，有時皮膚乾都會好痕。過左一排就好Ｄ。

我有用swaddle me，用到8個月，我覺得細時包住呀Ｂ，佢會有多Ｄ安全感，瞓覺好好。但8個月後，呀Ｂ己经唔中意用，佢需要自由...同埋呀Ｂ瞓時成日ar面ar耳，用左就唔會ar到損哂。

原帖由 史科菲 於 10-5-3 01:47 發表
求救 .....

我個B 6個月,日日臨瞓不停CRY & SCREAM, 佢兩星期大時有好似肚風喊, 之後好小小, 但係每晚沖完涼佢就會開始狂叫同"摟"個身, 打直抱會好小小,直至佢飲完最後一餐奶粉12點幾先瞓.

近日佢摟得好西利, 兩隻 ...
私人傳訊

HinBB0624


大宅

積分: 1891


15#
發表於 10-5-20 17:52 |顯示全部帖子
update下近況...我諗我基本上KO左我個Ｂ(其實KO代表乜？我都係不斷學習)。多謝pyjess及各mami的實戰經驗。

而家呀Ｂ每晚瞓覺基本ok，但有些細節需要fine tune。同大家share下...我係需要叫醒呀Ｂ令佢清醒，然後再抱佢落床瞓。但係有2次，唔知係唔係醒過頭，叫醒呀Ｂ後佢一直好hyper，要一路同我玩，期間我嘗試抱佢落床瞓，但佢就好牛脾氣咁大聲喊，唔收声。我試下拍佢同唱歌仔，佢就愈喊愈大声。結果要抱起佢，同佢玩到凌辰2:00，攰到瞓。咁我而家叫醒佢後，會保持平靜Ｄ，唔會同佢玩到咔咔笑。等佢唔會無哂睡意。

逢星期日我都會同老公出街，但係果晚呀Ｂ就唔肯瞓，佢好似好想同我地玩，等我地番屋企。咁我地番屋企後同佢玩囉，又係玩到凌辰2:00都唔肯瞓，好似要我地雙倍奉還比佢。我而家仲諗緊有乜計仔...

我認同個theory同埋覺得個theory係work既，但mami需要觀察自己呀Ｂ的特性加以fine tune，因為每個Ｂ都唔同。
私人傳訊

HinBB0624


大宅

積分: 1891


16#
發表於 10-5-27 16:25 |顯示全部帖子
正如其他mami所講，當你ＢＢ漸漸長大，對你有反應時，你就會感到同而家有所不同。你与ＢＢ會有互動，你氹佢時佢會咔咔笑，你會感到好開心。對我來說，這一切都是當ＢＢ8-9個月後才感受到。

呀Ｂ出世前，我地每年都會出國旅行２次，平日都係周圍去食、玩。呀Ｂ出世頭３個月，我未去過街，日日係屋企照顧佢，我從來未感受過如此辛苦...好似原來的我跳出咗自己的身體。最開心係落街買飯盒，我會爭住去，因為可以抖抖氣。呀Ｂ又問題多多，經常嘔/噴奶，體重又唔理想，濕疹...2個月時又入咗急症室...等等。一切都是我無想像過的生活...無時間去街，無時間約朋友，無時間扮靚，無時間做facial，無時間massage，無時間上網。

當時Ｄ親戚朋友問我做左mami覺得點呀?我話好辛苦，佢地就會答:辛苦但係好開心嫁噃! 但係其實我一Ｄ都唔覺得開心，直至呀Ｂ8、9個月，大家有interaction，聽到佢咔咔笑，痴住你玩，佢開心時會望實你，你就會好開心。

努力！

原帖由 史科菲 於 10-5-25 15:16 發表
其實一直都無唸過做人媽咪，我本身係一個完全無耐性，脾氣超大，成日唔“cheer”家,喜歡自由自在，成日去旅行的人，自從有咗ｂｂ煩惱就來了．．
工作唔順利，宜家連工都無理
一定要請工人, 幾次都唔夾, ，但係屋企人個個都話ｋｅｅｐ佢，因為亞ｂ跟佢，俾 ...
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見