(知bk啲jm唔中意國內人,但係我係香港都已經生活咗十幾年家都係哩渡啦,只係傾訴 或者有人出主意,我已經好累啦會好長好長)我同老公結婚14年 ,有1女2仔,老公大我7歲,我哋係廣州展銷會認識,果陣時老公係一名打工仔,佢同佢老細過來參展認識 ,之後同佢拍拖2年結婚,結婚時無車無樓.係深圳租樓住,我係深圳返工,老公原本人工得7000幾,我有3000幾,十幾年前萬幾蚊都算好夠用,之後老公辭咗份工打算自己創業,我都好支持佢辭咗自己份工來香港同佢一起,創業邊有咁易呀!失敗一次我哋用嗮全部積蓄,果陣時同99 ,62同住,好細單位6個人住,我要料理全家哋餸,佢屋企人對我好好,之後有試過要用佢細個儲既碎銀,無嗮錢,要同娘家借,之後老公出去做嘢幾年又自己開公司,哩次非常成功,岩岩開始公司得我兩個,我負責大陸開會傾工程,老公主要負責香港同外國,之後工程越來越多,生意越來越好,跟住公司請人,開始2個之後5個7個10個到依傢20幾人的中小企業,我在公司請人之後就懷孕了,所以安安心心係屋企做全職太太,果時我哋已經買咗層700幾尺既單位,老公寫我名,第二年我哋既寶貝女出世,老公非常愛佢,跟住第四年我哋既孖仔出世,老公又買咗層千幾尺既大單位同車,依然寫我名,這時我是所有人羨慕的對象,用(苦盡甘來)來形容我一啲錯都無 在懷孕時老公怕我辛苦就已經請工人照顧 生女時請陪月調養 話我以前陪佢挨苦 現在要我好好享福 之後生孖仔又請多個工人,老公對我真係好好 我唔開心老公幾忙都要停下來哄我開心 出國一定會買好多禮物俾我哋四個 會陪我行街 陪我返老家 對我屋企超好,如果我話唔中意佢做咩 佢就唔會做,有時佢需要去廣州應酬 幾夜都要返來,有試過早上機去北京 晚上無機返來 我叫佢第二日返來佢都唔肯話掛住我哋 非要夜晚飛深圳半夜回家 佢真係個好老公,我以爲我既人生就會咁幸福美滿,點知今年卻是噩夢的開始,這個女人幾乎燬咗我幸福的家。
去年尾 佢全公司吃飯我年年都有去,我同老公到咗酒店 佢公司同事大部分都來咗 我一入去就發覺有一個女仔睇我既眼光好唔同,女人既感覺話我知 好唔尋常,到吃飯時都發覺佢不停望過來,我就轉頭睇住老公講哩個女仔幾時請架?老公就問我咩事,我話無事 就係覺得奇怪 ,老公就笑笑話有咩好奇怪呀?我都對自己講可能多心 其實唔係多心 就係太信任我老公 佢辜負咗我既信任 我睇老公個樣又無咩唔妥,對我又係同以前一樣關懷備至,所以無多想 直到今年5月老公要去外國出差話去3日返來,老公出差第二晚我收到哩個女人既whatsapp 照片 我一打開睇到就差點暈咗。 明天再寫 好纍
繼續:我打開睇到係佢同我老公既床照,老公仲係渡訓,佢照張相老公應該唔知 都係大頭像 但係一睇就知係床上,我覺得天暈地轉血脈沖頭,想死既心都有啦我一直喊 喊到手腳無嗮知覺 我唔知喊咗幾多時間,我已經唔知道應該點算,我唔敢去碰個電話,驚見到張相,眼淚好像開水喉咁,我顫抖咗雙手把張相轉發俾老公,我唔知道隔咗幾內,老公send whatsapp過來話 等我 我即刻返來。第二日我只係覺得雙眼好痛 好似水蜜桃咁 驚嚇親三個仔女 就同兩個姐姐話今日接咗個女放學就送係嫲嫲同爺爺渡 仔仔現在就送過去,打電話同99講今日我有事叫姐姐帶佢哋過去玩,,跟住下午老公就返咗來同我交代,原來佢帶咗個女仔一起去 出差偷情一把抓,影果張相佢真係唔知,(我都覺得奇怪了,佢哋點搞埋一起,老公出差近年越來越少,如果係大陸基本都即日返來 ,日日都6:30返屋企,假期都係同我哋一起,返到屋企又唔見佢打咩電話,電話擺係張檯隨便我哋玩,咁都可以搞得埋?)我望住老公問你偷食都遠哋啦,點會係公司搞!你依傢係唔係嫌棄日子過得好呀,你就咁對我既我陀大細孖時有啲唔好到生完果年幾 我哋無同過房,你話你就係咁寡無出去食我唔信咯,你冇當我死架,你依傢居然感情都出軌 我寧願你肉體既背叛好過精神既背叛咯,我一直係咁講 係咁喊 佢都無出聲,等我講到好纍 眼淚都流唔出啦,佢突然抱住我唔俾我掙扎,就係咁抱住我流淚 不停講sorry 等到我兩個都精疲力盡 佢先開始同我講,個女仔係舊年入公司 做嘢經常出錯日日俾佢同事話 但係好努力,又後生 話又多日日都笑得好開心 活力四射 唔知幾時開始佢哋有種曖昧感覺 係個女仔主動 有咗一次后佢就好像打咗興奮劑一樣,覺得同個女仔一起後生咗,插足電咁,佢話會處理好,叫我冇難過,係佢錯 以後唔會咁了 ,我信佢,之後聽講個女仔已經辭咗職,我以爲到此為止...